[1] super eam mons eodem quo[2] alius nomine, Casius. cuius excelsa altitudo quarta vigilia orientem per tenebras[3] solem aspicit, brevi circumactu corporis diem noctemque pariter ostendens. ambitus ad cacumen XVIIII p. est, altitudo per derectum[4]IIII. at in ora amnis Orontes, natus inter Libanum et Antilibanum iuxta Heliopolim. oppida[5] Rhosos et a tergo Portae[6], quae Syriae appellantur, intervallo[7] Rhosiorum[8] montium et Tauri. in ora oppidum Myriandros, mons Amanus, in quo oppidum Bomitae. ipse ab Syris[9] Ciliciam separat.