[1] Nam caniculae exortu accendi solis vapores quis ignorat[2]? cuius sideris effectus amplissimi in terra sentiuntur: fervent maria exoriente eo, fluctuant in cellis vina, moventur stagna. orygem[3] appellat Aegyptus feram[4], quam in exortu[5] eius contra stare et contueri tradit ac velut adorare[6], cum sternuerit. canes quidem toto eo spatio maxime in rabiem agi[7] non est dubium[8].