a Lisso Macedonia 145 provincia. gentes Partheni[1] et a tergo eorum Dassaretae[2], montes Candaviae a Dyrrachio LXXVIII[3] p., in ora vero Denda civium Romanorum, Epidamnum colonia, propter inauspicatum nomen a Romanis Dyrrachium appellata, flumen Aous[4], a quibusdam Aeas[5] nominatum, Apollonia, quondam Corinthiorum colonia, IIII[6] p. a mari recedens, cuius in finibus celebre Nymphaeum accolunt barbari Amantes et Buliones[7]. at in ora oppidum Oricum, a Colchis conditum. inde initium Epiri, montes Acroceraunia[8], quibus hunc Europae determinavimus sinum. Oricum a[9] Sallentino[10][11] italiae promunturio distaf LXXX[12].