[1] Supra Idumaeam et Samariam[2] Iudaea longe lateque funditur. pars eius Syriae iuncta Galilaea vocatur, Arabiae vero et Aegypto proxima Peraea[3], asperis[4] dispersa montibus et a[5] ceteris Iudaeis lordane amne discreta. reliqua[6] Iudaea dividitur in toparchias decem quo dicemus ordine: Hiericuntem[7] palmetis consitam, fontibus riguam[8], Emmaum, Lyddam[9], Iopicam[10], Acrabatenam[11], Gophaniticam[12], Thamniticam[13], Betholeptephenen[14], Orinen[15], in qua fuere Hierosolyma, longe clarissima urbium orientis, non[16] Iudaeae modo, Herodium cum[17] oppido inlustri eiusdem nominis.