[1] Fiunt simul cum terrae motu et inundationes maris, eodem videlicet spiritu infusi aut[2]terrae[3] sidentis sinu recepti. maximus terrae memoria mortalium exstitit motus Tiberii Caesaris principatu, XII urbibus Asiae una nocte prostratis; creberrimus Punico bello intra eundem annum septies ac[4] quinquagies nuntiatus Romam, quo quidem anno ad Trasimenum lacum dimicantes maximum motum neque Poeni[5] sensere nec Romani. nec vero simplex malum aut in ipso tantum motu periculum est, sed par aut maius ostento[6]. numquam urbs Roma tremuit, ut non futuri eventus alicuius id praenuntium esset.