[1] Octava regio determinatur Arimino, Pado, Appennino . in ora fluvius Crustumium[2], Ariminum colonia cum amnibus Arimino et Aprusa[3], fluvius[4] Rubico, quondam finis Italiae. ab eo Sapis et Vtis[5] et Anemo, Ravenna Sabinorum oppidum cum amne Bedese, ab Ancona CV, nec[6] procul a mari Vmbrorum Butrium[7]. intus coloniae Bononia, Felsina vocitata tum[8] cum princeps Etruriae esset, Brixillum, Mutina, Parma[9], Placentia.
[10] oppida Caesena, Claterna, Fora[11] Clodi[12], livi, Popili[13], Druentinorum[14], Corneli[15], Licini[16], Faventini, Fidentini , Otesini, Padinates, Regienses a Lepido, Solonates saltusque Galliani qui cognominantur Aquinates, Tannetani[17], Veleiates[18] cognomine Vetti[19] Regiates, Vrbanates[20]. in hoc tractu interierunt Boi[21], quorum tribus CXII fuisse auctor est Cato, item Senones, qui ceperunt[22] Romam.