VII
Argument
De epistula Valerii Probi grammatici ad Marcellum scripta super accentu nominum quorundam Poenicorum.VALERIUS PROBUS grammaticus inter suam aetatem praestanti scientia fuit.
Is “Hannibalem” et “Hasdrubalem” et “Hamilcarem” ita pronuntiabat ut paenultimam circumflecteret, et est [1] epistula eius scripta Ad Marcellum, in qua Plautum et Ennium multosque alios veteres eo modo pronuntiasse affirmat,
solius tamen Ennii versum unum ponit ex libro, qui Scipio inscribitur.
Eum versum quadrato numero factum subiecimus, in quo, nisi tertia syllaba de Hannibalis nomine circumflexe promatur, numerus clausurus est.