Acilius Glabrio consul Antiochum ad Thermopylas Philippo rege adiuvante
victum Graecia expulit, idemque Aetolos subegit. P. Cornelius Scipio
Nasica consul aedem matris deum, quam ipse in Palatium intulerat vir
optimus a senatu iudicatus, dedicavit; idemque Boios Gallos victos in
deditionem accepit et de iis triumphavit. praeterea navalia certamina
prospera adversus praefectos Antiochi regis referuntur.