FALISCI cum rebellassent, sexto die perdomiti in deditionem venerunt.
Spoletium colonia deducta est. Adversus Liguras tune
primum exercitus promotus est. Sardi et Corsi cum rebellassent,
subacti sunt. Tuccia , virgo Vestalis, incesti damnata est. Bellum Illyriis propter
unum ex legatis qui ad eos missi erant occisum indictum est, subactique in
deditionem venerunt. Praetorum numerus ampliatus est, ut essent IIII.
Galli transalpini qui in Italiam inruperant caesi sunt. Eo bello
populum R. sui Latinique nominis DCCC
armatorum
habuisse dicit Exercitibus Romanis tune primum trans Padum ductis Galli
Insubres aliquot proeliis fusi in deditionem venerunt. M. Claudius Marcellus
cos. occiso Gallorum Insubrium duce, Vertomaro, opima spolia rettulit. Histri subacti sunt.
Iterum Illyri cum rebellassent, domiti in deditionem venerunt.
Lustrum a censoribus ter conditum est. Primo lustro censa sunt civium capita CCLXX ccxii**. Libertini in quattuor tribus redacti
sunt, cum antea dispersi per omnes fuissent, Esquilinam Palatinam Suburanam
Collinam. C. Flaminius censor viam Flaminius muniit et circum Flaminium exstruxit. Coloniae deductae sunt in agro
de Gallis capto Placentia et Cremona.