Ego id fratri in honore fratris amplissimo non concedendum putem, praesertim qui[1] quid amor fraternus valeat paene praeter ceteros sentiam? At enim frater iam non petit. Quid tum? Si ille retentus a cuncta Asia supplice, si a negotiatoribus, si a publicanis, si ab omnibus sociis, civibus exoratus anteposuit honori suo commoda salutemque provinciae, propterea putas semel[2] exulceratum animum tam facile potuisse sanari?