Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
Scriptores Historiae Augustae · Avidius Cassius

Chapter 4

Text kindly provided by Perseus

Quoniam de severitate illius dicere coepimus, multa exstant crudelitatis potius quam severitatis eius

indicia, nam primum milites qui aliquid provincialibus tulissent per vim, in illis ipsis locis, in quibus peccaverant,

in crucem sustulit, primus etiam id supplicii genus invenit, ut stipitem grandem poneret pedum octoginta et centum [1] et a summo usque ad imum damnatos ligaret et ab imo focum adponeret incensisque aliis

alios fumo, cruciatu, timore etiam necaret. idem denos catenatos in profluentem mergi iubebat vel in

mare. idem multis desertoribus manus excidit, aliis crura incidit ac poplites, dicens maius exemplum esse

viventis [2] miserabiliter criminosi quam occisi, eum exercitum duceret, et inscio ipso manus auxiliaria centurionibus suis auctoribus tria milia Sarmatarum neglegentius agentum in Danuvii ripis occidissent et eum praeda ingenti ad eum redissent sperantibus centurionibus praemium, quod perparva manu tantum hostium segnius agentibus tribunis et ignorantibus occidissent, rapi eos iussit et in crucem tolli servilique supplicio adfici, quod exemplum non exstabat, dicens evenire potuisse ut essent insidiae, ac periret Romani

imperii reverentia, et cum ingens seditio in exercitu [3] orta esset, processit nudus campestri solo tectus et ait, “Percutite,” inquit, “me, si audetis, et corruptae

disciplinae facinus addite,” tunc conquiescentibus

cunctis meruit timeri, quia ipse [4] non timuit, quae res tantum disciplinae Romanis addidit, tantum terroris barbaris iniecit, ut pacem annorum centum ab Antonino absente peterent; si quidem viderant damnatos Romani ducis iudicio etiam eos qui contra fas vicerant.

Reader settings

Side Panel

Text SizeRelative to your text size
85%

Textual Aids

Touch Navigation