(SYRUS. DEMEA.)
SYRUS
Heus, Demea, rogat frater ne abeas longius.
DEMEA
Quis homo? O Syre noster salve: quid fit? quid agitur?
SYRUS
Recte.
DEMEA
Optime est. Iam nunc haec tria primum addidi
Praeter naturam: “O noster! quid fit? quid agitur?”
Servum haud illiberalem praebes te; et tibi
Libens bene faxim.
SYRUS
Gratiam habeo.
DEMEA
Atqui, Syre,
Hoc verum est; et ipsa re experiere propediem.