Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
T. Maccius Plautus · Casina

Act 5, Scene 1

Text kindly provided by Perseus

Myrrhina
Accéptae bene ét commode éximus íntus
ludós visere húc in viam nuptiális.
numquam écastor úllo dié risi adaéque,
neque hóc quod relícuom est plus rísuram opínor.
Pardalisca
Lúbet Chalinum quíd agat scire, nóvom nuptum cum nóvo marito.
Myrrhina
Nec fállaciam ástutiórem ullus fécit
poéta, atque ut haéc est fabré facta ab nóbis.
Cleostrata
Optúnso ore núnc pervelím progredíri
seném, quo senéx nequiór nullus vívit.
ne illum quidem
néquiorem árbitror ésse, qui locum
praébet illí [gap] té nunc praesidem
volo híc, Pardalísca, esse, qui hínc exeat
eum ut lúdibrio hábeas.
Pardalisca
Libens fecero et solens.
Myrrhina
[gap] spectato: hinc omnia, intus quid agant [gap]
Pardalisca
[gap] pone me, amabo.
Myrrhina
Et ibi audacius licet
quaé velis líbere próloqui.
Pardalisca
vostrá foris crépuit.

Reader settings

Side Panel

Text SizeRelative to your text size
85%

Textual Aids

Touch Navigation