Appearance

Theme

Reading text

Font
Size
100%
Spacing
Contrast
normal

Gallia est omnis dīvīsa in partēs trēs, quārum ūnam incolunt Belgae.

Issues / Feedback

This report will be visible to the general public on our GitHub issue tracker. Please do not submit private or sensitive information.
Only needed if you want updates or clarification on GitHub.
T. Maccius Plautus · Persa

Act 4, Scene 7

Text kindly provided by Perseus

Toxilvs
Postquam illic hinc abiit, dicere hic quidvis licet.
ne hic tibi dies inluxit lucrificabilis.
nam non emisti hanc, verum fecisti lucri.
Dordalvs
Ille quidem iam scit, quid negoti gesserit,
qui mihi furtivam meo periclo vendidit,
argentum accepit, abiit. quí ego nunc scio,
an iam adseratur haec manu? quo illum sequar?
in Persas? nugas.
Toxilvs
Credidi gratum fore
beneficium meum apud te.
Dordalvs
Immo equidem gratiam
tibi, Toxile, habeo; nam te sensi sedulo
mihi dare bonam operam.
Toxilvs
Tibine ego? immo sedulo.
Dordalvs
Attat, oblitus sum intus dudum edicere
quae volui edicta. adserva hanc.—
Toxilvs
Salvast haec quidem.
Virgo
Pater nunc cessat.
Toxilvs
Quid si admoneam?
Virgo
Tempus est.
Toxilvs
Heus, Saturio, exi. nunc est illa occasio
inimicum ulcisci.
Satvrio
Ecce me. numquid moror?
Toxilvs
Age, illúc abscede procul e conspectu, tace;
ubi cum lenone me videbis conloqui,
tum turbam facito.
Sagaristio
Dictum sapienti sat est.
Toxilvs
Tunc, quando abiero—
Sagaristio
Quin taces? scio quid velis.

Reader settings

Side Panel

Text SizeRelative to your text size
85%

Textual Aids

Touch Navigation