Sagaristio
Numquid moror?
Toxilvs
Euge, euge, exornatu's basilice;
tiara ornatum lepida condecorat schema.
tum hanc hospitam autem crepidula ut graphice decet.
sed satin estis meditati?
Sagaristio
Tragici et comici
numquam aeque sunt meditati.
Toxilvs
Lepide hercle adiuvas.
[age, illúc abscede procul e conspectu et tace.]
[ubi cum lenone me videbis conloqui]
id erit adeundi tempus. nunc agite ite vos.